البورون والموليبدنيوم

 البورون والموليبدنيوم من منظور أخر

كتير من الناس بتسأل لو سمحت انا رشيت بورون وموليبدنيوم مرتين وقت التزهير وكمان مسمد بوراكس ارضي وقبل السكون كنت رشيت بورون وموليبدنيوم ياترى ممكن ارش تاني بورون وموليبدنيوم؟؟؟؟؟

هندردش سوا وحضرتك هتجاوب على نفسه بس بعد العرض التالي

الجدول المرفق بالبوست هو لتركيز العناصر الغذائية لورق شجرة التفاح (المرجع Apple Botany, Production and Uses --- CABI Publishing).

الجدول بيوضح ان تركيز البورون (20 - 60) جزء في المليون وتركيز الموليبدنيوم (0.1 - 0.2) جزء في المليون في الورق من الوزن الجاف

الاول نعرف يعني ايه الوزن الجاف

الوزن الجاف هو التخلص من نسبة الرطوبة التى تصل ل٩٠% من وزن النبات بمعنى أن لو وزن الشجرة ٢٠٠ كيلو جرام وزن طازج يصبح الوزن الجاف لها ٢٠ كيلو جرام التى يتم حساب نسبة العناصر الغذائية لها.

نرجع لمحتوي عنصري البورون وموليبدنيوم بالنبات

يعني تخيل ان الشجرة اللي وزنها ٢٠٠ كيلوجرام وزن طازج (٢٠ كيلو جرام وزن جاف) محتواها الكلي من عنصر موليبدنيوم هو (0.002 - 0.004) جرام أي (2-4) ملجم.

ومحتواها الكلي من عنصر البورون هو (0.4 - 1.2) جرام.

سبحان الله شوف الدور الكبير جدا اللي بيلعبه كلى العنصرين البورون والموليبدنيوم رغم محتوي الشجرة منه قليل جدا.

هنا تقدر تجاوب على نفسك لما تعرف ان شجرتك مش محتاجة اكتر من نص جرام بورون والفدان بما فيه من شجر محتاج ١جرام موليبدنيوم

يعني بلاش رش بورون وموليبدنيوم عمال على بطال يكفي مرة او مرتين المهم يوصل للنبات صح.

خالص تحياتي

عماد الباسل