القواقع او الحلزون

 القواقع او الحلزون

الكثير يسأل عن مبيد فعال او طريقة فعالة للقضاء على القواقع

وحقيقتا لو بحثنا لوجدنا ان القواقع منتشرة حول العالم كله ويعاني منها المزارع في كل الدول تقريبا

وللقضاء عليها حاول الجميع استخدام اجراءات متعددة دون جدوى

لكن اهتدى البعض في الدول الاوروبية الى طرق مبتكرة

واخترت لكم منها طريقة بسيطة ومناسبه للفلاح المصري وتقضي على القواقع فى اسابيع قليلة.

الطريقة كالاتى ..

حضرتك هتحضر برميل فى الارض وهتضيف فيه باكو خميرة فورية وتضيف عليه ٥ كيلو مولاس او عسل اسمر وتكمل البرميل مياه.

هتحضر الواح خشب مثلا بمقاس ٥٠سم xمتر حضر عدد حسب امكانياتك وكل ما تكتر يكون افضل ..

هتمسك الالواح دى تغطسها في البرميل حتى تتشبع بالمحلول وتوزعها فى الارض قبل المغرب مباشرة

هتروح الارض الصبح بدري هتلاقي الالف من القواقع على الالواح الخشبيه وتحتها .

هتكون محضر برميل تانى فيه مياه وضايف فيها ١٠ كيلو ملح طعام تسقط الالواح بالقواقع في برميل محلول الملح هتموت فورا وهتلاقيها بتطلع رغاوى زى الانسان المسموم

وتكرر العملية كل يوم خلال اسبوعين تلاته بالكتير هتنتهى القواقع من عندك تماما..

معلومة طريفة ...اغلى انواع الكافيار في العالم من بيض القواقع تحياتي للجميع

م/مجدى نافع