تجهيز الأرض لزراعة القمح

 للمقبلين علي زراعة القمح في الاراضي القديمة 

عملية اعداد الارض للزراعة من اهم العمليات الزراعية 

عشان كده حبيت اذكركم بالتوصيات الاتية:

1-مبدئيا يتم حرث الارض سكتين متعامدتين 

ويتم اضافة الاسمدة الاتية: 

-سماد عضوي 20متر

-سوبر فوسفات 200كجم

يتم تخطيط الارض الي مصاطب بعرض 1متر لو هاتزرع علي مصاطب 

او يتم تقسيمها الي احواض 

________________________________________

2-لو هاتزرع قمح عقب محصول القطن

لو الارض نظيفة وخالية من الحشائش 

يبقي مش لازم تحرث الارض 

ممكن تزرع الارض بالنقرة علي خطوط القطن 

طريقة جيدة جدا وبتعطي اعلي انتاج 

______________________________________

3-اما لو هاتزرع عقب محصول الذرة العلف الدنيبة او الدخن 

يبقي لازم تحرث الارض حرث جيد وتشمسها فترة كافية 

وتوضع سماد عضوي وسوبر فوسفات 

لان الارض بتكون مجهدة  

____________________________________

4-لو هاتزرع عقب الذرة الشامية 

لو الارض نظيفة وخالية من الحشائش 

ممكن تزرع بالتقرة علي نفس خطوط الذرة الشامية 

ما فيش مشكلة 

اما لو الارض غير نظيفة 

يبقي لازم تحرث الارض 

____________________________________

5-ايضا لو هاتزرع عقب فول صويا او فاصوليا 

لو الارض نظيفة وخالية من الحشائش 

ممكن تزرع القمح بالنقرة علي نفس الخطوط 

___________________________________

6-لو هاتزرع عقب محصول الارز 

يبقي تحرث الارض وتضيف الخدمة السابقة 

____________________________________

7-لا يفضل زراعة القمح عقب المحاصيل السابقة والارض بها نسبة رطوبة عالية 

يفضل ترك الارض فترة قبل الزراعة 

ولو انتا مضطر تزرع  يبقي تزرع بالنقرة وتزيد معدل التقاوي حتي يتم الانبات بشكل جيد 

___________________________________

8-لو انتا حرثت الارض والارض طلعت مفتفتة او ناعمة بعد الحرث 

يبقي تزرع بالنقرة ولو هاتزرع بالبدار يبقي لازم تغطي الحبوب بشكل جيد

_________________________________________

دمتم في امان الله 

أحمد مناع 

27/9/2022