الدروميكس

 القول المفيد ٠٠٠ فى الموسم الجديد ( الدورمكس ) ٠٠٠٠٠

مركب لا غنى عنه هو نقطة البداية فى الموسم لو تمت بنجاح وكفاءة ان شاءالله تضمن انتظامية وتجانس وسرعة فى التفتح  وعليه هتسبق وتكون بدرى واى خطأ لازم يكون ليه تأثير سلبى والخطأ دا قد يكون 

١/ تركيز زيادة فى المحلول يسبب موت العيون خاصة الطراحات الضعيفة والمتوسطة ٠

٢/ تركيز قليل يحدث عدم انتظامية وعدم حدوث تجانس حتى نهاية الموسم والمشاكل اللى هاتقابلها طول الموسم وآخرها تأخير الحصاد ٠

٣/ الخطأ أثناء الرش وترك خطوط بدون رش ومتاخدش بالك الا مع بداية التفتح وتفضل متأخرة حتى نهاية الموسم ٠

٤/ عدم متابعة الارصاد الجوية مما يعرضك لمشكلة أكبر ممكن تكون بفعل الرياح او بنزول مطر يكلفك إعادة الرش مرة تانية ودى تعتبر تكلفة زيادة يبقى بدل حضرتك ماتحاول توفر ٥٠٠ج او اكتر من الفدان تكلف نفسك على الاقل ٢٠٠٠ ج زيادة ٠

كلنا متفقين ان التكاليف هتكون عالية والسعر مش مضمون والكل بينادي نوفر فى التكاليف ودى نقطة ليا فيها كلام مفصل وواضح ازاى توفر فى التكلفة بما لا يضر المنتج ٠نرجع للدورمكس يبقى حضرتك مش عايز تكلف نفسك زيادة وكمان تفضل فى مشاكل طول الموسم 

ودى كلها تكاليف زيادة وعليه ٠٠٠٠٠

لازم تختار المنتج المضمون وتختار التركيز المناسب وطريقة الرش المناسب والتوقيت المناسب ٠

١/  المنتج حضرتك اللى تحدده 

٢/ التركيز ٥% او ٤.٥%او٤%او ٣% ودا بيحده الصنف اولا ثم الهدف من الرش تبكير ولا انتظامية ٠ مكشوف او متغطى 

ولكن نصيحة ماتروشش تركيزين الا فى الغيط النشاوى ودا لو كانت طراحاته سمكها عالى فوق ١٤ او الذراعات سمكها يعدى ربع بوصة كده تبقى محتاج تركيز ٢% عدا ذلك حضرتك مش محتاج ٠

٣/ طريقة الرش ودى بيحددها طريقة التربية ( جيبل _دبل سيستم _بارون او تكعيبة ) وايضا المساحة لانه كلما قلت المساحة كلما زادت السيطرة على عملية الرش والمساحة هنا للصنف الواحد مش الاجمالى لان حضرتك ممكن يكون عندك مساحة كبيرة اجماليا ولكنها موزعة قطاعات وكل قطاع مستقل بعمله واداره تبقى المساحة مش كبيرة او يكون عندك أصناف مختلفة مابين المبكر جدا والمبكر والمتوسط فى ميعاد النضج او مابين المتغطى والمكشوف ٠

فمثلا الجيبل أو الدبل سيستم  تقدر ترش بالبشبورى وتسيطر عليه وتاخد جودة وكفاءة والأهم التوفير لان كدا حضرتك هتوفر فى المحلول بس شرط اساسى عمالة ذات كفاءة وأمانة ومتابعة مستمرة خلف كل جرار ٠

والبارون حضرتك تستخدم الاوتوميزر هو الأفضل خاصة مع الطراحات الكتير او الاصناف ذات الخصوبة المتوسطة والضعيفة وهنا حضرتك تقدر تاخد كفاءة من الرش والتوفير ودا من خلال وجود المعدات بجانب بعضها أثناء الرش (جرارين أو ثلاث جرارات ) ودا بيعمل تداخل للمحلول وبالتالى انتشار وتوزيع افضل واستمرار المحلول لوقت اطولعلى العيون وعدم حدوث أخطاء فى الرش ٠٠٠

٤/ ميعاد الرش 

خد بالك كويس ميعاد الرش حضرتك اللى بتحدده والموسم كله سواء كانت خصوبة كويسة او ضعيفة إنتاج هيكون كامل او اقل انتظامية او عدم وجودها ودا بيتوقف على ميعاد التفتح الطبيعى للصنف فبيتم الرش قبل التفتح الطبيعى من ٤/٦ اسابيع ٠٠

٥/ توقيت الرش 

خد بالك لازم تتابع الارصاد يوميا وعلى مدار اليوم علشان تعرف نسبة الرطوبة ٠٠ سرعة الرياح ٠٠ احتمالية سقوط الأمتار ٠

واحب اقول لحضرتك ان انسب وقت هو غياب الرياح ( السكون ) وعدم وجود امطار ٠ وكمان فى وجود رطوبة جوية عالية يعنى افضل ميعاد للرش هو ليلا ودا بيسمح للمحلول انه  يغرق الطراحات وياخد وقت أطول على العيون مما يزيد من كفاءة الرش ٠٠

وفى النهاية كل العوامل دى بتساعد ف  زيادة كفاءة عملية الرش ونجاحها٠٠٠

وعليه حضرتك هتكون فى النهاية كسبان وموفر٠٠٠ ازاى هتقدر تقلل فى كمية المحلول لما تشوف النتائج ٠٠ او انتظامية وتجانس  ودا برده هيوفر عليك فى المغذيات ورافعات الاجهاد٠٠٠

مع تحياتى 

مدحت محمد على 

مدير الدعم الفني لشركة السلام الدولية 

السلام الدولية ٠٠ رفيق النجاح